«Manchester Siti» bosh murabbiyi Xosep Gvardiola seshanba kuni Premyer-liga doirasida «Kristal Pelas»ga qarshi kechadigan uy uchrashuvi oldidan matbuot anjumanida ishtirok etdi. Mutaxassis dam olish kunlari «Arsenal» darvozasiga urilgan va bekor qilingan «Vest Xem»ning goli haqidagi savollardan qochishga harakat qildi.
— «Vest Xem»ning «Arsenal»ga urgan goli bekor qilingan vaziyat kayfiyatingizga qanday ta’sir qildi?
— «Kristal Pelas».
— Va keyin o‘sha gol...
— «Kristal Pelas».
«Manchester Siti» chorshanba kuni, 13 may kuni «Kristal Pelas»ni qabul qiladi. Agar Xosep Gvardiola shogirdlari g‘alaba qozonsa, peshqadam «Arsenal» bilan o‘rtadagi farqni ikki ochkogacha qisqartiradi. Titul uchun da’vogarlarda esa ikkitadan o‘yin qoladi.
