«Реал»нинг собиқ дарвозабони Сантьяго Канисарес мадридликларнинг уч нафар етакчиси ҳақида кескин фикр билдирди. Фахрий посбоннинг фикрича, ушбу футболчилар жамоани тарк этишлари керак.
Канисарес жамоа сардори Дани Карвахални ўз вазифаларини бажармаётганликда айблади, чунки у майдонда жуда кам кўриниш бермоқда.
Бундан ташқари, Канисарес вице-сардор Федерико Вальверде ҳам етакчилик қобилиятларини намойиш эта олмаганини таъкидлади. Фахрий дарвозабоннинг сўзларига кўра, уругвайлик футболчи эътиборсизлик қилган ва ўз мажбуриятларини уддалай олмай, Тчуамени билан низо келиб чиқишига сабабчи бўлган.
Шунингдек, Канисарес Винисиус Жуниорни ҳам танқид остига олди. У бразилиялик футболчини муваффақиятсиз мавсумдаги хатоларни тузатиш ўрнига, клуб томонидан қўлга киритилган кўплаб совринлар билан мақтанишда айблади. Канисарес айрим ўйинларда Винисиус ўзини номуносиб тутганини қайд этди.
