"Реал" раҳбари Флорентино Перес сешанба кунги матбуот анжуманида бир қатор шов-шувли ва ҳатто кескин баёнотлари билан ажралиб турди. Перес ҳакамларнинг адолатсизлиги, "Негрейра иши", "ўғирланган" совринлар, ёмон журналистлар ва бошқа мавзулар ҳақида гапирди. Шунингдек, Флорентино ўзининг клуб президенти сифатидаги фаолиятига ҳам тўхталди.
"Мен "Реал" учун кеча-ю кундуз худди йиртқичдек ишлаяпман. Нима учун журналистлар энг нуфузли клубга ҳужум қилаётганини тушунмаяпман. Бизда энг юқори даромад ва энг қиммат таркиб бор. Яқинда "Барселона"га мағлуб бўлганимиз — бу фалокат эмас. Менга қарши уюштирилган кампания кетмоқда. Улар мени клубдан сиқиб чиқаришлари мумкин деб ўйлашади. Йўқ. Бунинг учун улар мени отиб ташлашларига тўғри келади. Марҳамат, президентлик лавозими учун менга қарши ўз номзодларини қўйишсин. Йўқ, улар буни ҳеч қачон қилишмаган. Эҳтимол, улар мендан қўрқишар", — деди Перес матбуот анжуманида.
"Реал" 2025/2026 йилги мавсумни бирорта ҳам соврин қўлга киритмасдан якунламоқда.
