"Челси" ҳужумчиси Николас Жексон фаолиятини Италияда давом эттириши мумкин. The Athletic нашрининг маълумотларига кўра, Сенегал терма жамоаси форвардини ўз сафига қўшиб олишга "Ювентус" қизиқиш билдирмоқда. Турин клуби ёзги трансферлар ойнаси олдидан футболчининг трансфери устида фаол иш олиб бормоқда.
"Челси" ўз футболчисининг сотувидан тахминан 70 миллион евро ишлаб олмоқчи. Николас Жексон 2023 йилда "Вильярреал"дан "Челси"га 37 миллион евро эвазига ўтган эди. Унинг "кўклар" билан шартномаси 2033 йилнинг 30 июнига қадар мўлжалланган.
Жорий мавсумда ҳужумчи ижара асосида "Бавария" шарафини ҳимоя қилмоқда. Ушбу мавсумда сенегаллик футболчи Мюнхен клуби сафида барча турнирларда 33 та ўйинда майдонга тушиб, 10 та гол урди ва 4 та голли узатмани амалга оширди.
