"Chelsi" hujumchisi Nikolas Jekson faoliyatini Italiyada davom ettirishi mumkin. The Athletic nashrining ma’lumotlariga ko‘ra, Senegal terma jamoasi forvardini o‘z safiga qo‘shib olishga "Yuventus" qiziqish bildirmoqda. Turin klubi yozgi transferlar oynasi oldidan futbolchining transferi ustida faol ish olib bormoqda.
"Chelsi" o‘z futbolchisining sotuvidan taxminan 70 million yevro ishlab olmoqchi. Nikolas Jekson 2023 yilda "Vilyarreal"dan "Chelsi"ga 37 million yevro evaziga o‘tgan edi. Uning "ko‘klar" bilan shartnomasi 2033 yilning 30 iyuniga qadar mo‘ljallangan.
Joriy mavsumda hujumchi ijara asosida "Bavariya" sharafini himoya qilmoqda. Ushbu mavsumda senegallik futbolchi Myunxen klubi safida barcha turnirlarda 33 ta o‘yinda maydonga tushib, 10 ta gol urdi va 4 ta golli uzatmani amalga oshirdi.
