Мадриднинг «Реал» клуби яримҳимоячиси Кака тез орада «Милан»га ўтади. Бу ҳақда «Football Italia» «Cadena Ser» ва «Sky Sports» нашрлари маълумотига таяниб хабар бермоқда.
Манбанинг маълум қилишича, 31 ёшли бразилиялик футболчи миланликлар билан 2 йиллик шартнома имзолайди.
«Реал» футболчини текинга қўйиб юборадиган бўлди. Яъни ё «Реал» футболчи билан ўзаро келишувга кўра шартномани бекор қилади, ёки «Милан» уни икки йил муддатга ижарага олади.