«Ан-Наср»га чемпионликни муддатидан олдин нақд қилиш учун атиги бир неча сония етмай қолди. Жорже Жезуш шогирдлари ўзларининг асосий таъқибчиси «Ал-Хилол» билан дуранг (1:1) ўйнашди. Меҳмонлар 98-дақиқада нажот голини киритишга муваффақ бўлишди.
«Рақибнинг сўнгги ҳужуми бизни бугун чемпионликни байрам қилиш имкониятидан маҳрум этди, аммо олдинда ҳали ўз майдонимиздаги ўйин бор. Ғалаба қозонишимизга қатъий ишонамиз. Бугунги муваффақиятсизлик футболчиларга таъсир қилмайди — улар фақат ўйиндан кейинги дастлабки бир неча соатда хафа бўлишлари мумкин, холос. Улар бундай вазиятлардан қандай чиқиб кетишни яхши билишади. Бу оғир, лекин футболда шундай воқеалар бўлиб туради», — деди Жезуш матбуот анжуманида.
Ҳозирда «Ан-Наср» турнир жадвалида «Ал-Хилол»дан беш очко олдинда бормоқда, бироқ рақиб жамоада битта захира ўйини мавжуд.
