Лондоннинг «Арсенал» клуби «Палмейрас» вингери Эдуардо Консейсао учун курашга қўшилди. UOL нашрининг хабар беришича, «канонирлар» 16 ёшли футболчининг вакилларига уни шу ёзда сотиб олиш ниятида эканликларини маълум қилишган.

Ёш бразилиялик ҳали «Палмейрас»нинг асосий жамоасида дебют қилмаган бўлса-да, у сўнгги йилларда мамлакатнинг энг иқтидорли ёш истеъдодларидан бири ҳисобланмоқда. «Яшил-оқлар» ўз тарбияланувчисига бўлган катта қизиқишдан хабардор, шу сабабли унинг трансфери учун тахминан 43,5 млн фунт стерлинг (қарийб 50 млн евро) талаб қилмоқда.

Аввалроқ Эдуардо Консейсаога «Барселона», «Манчестер Юнайтед» ва «Манчестер Сити» клублари томонидан ҳам қизиқиш борлиги ҳақида маълумотлар тарқалган эди.