«Ньюкасл» вингери Энтони Гордон фаолиятини Мюнхеннинг «Бавария» клубида давом эттиришга розилик бериш арафасида. Бу ҳақда Bild нашрига таяниб Bayern & Germany хабар тарқатди.
Манбанинг таъкидлашича, мюнхенликлар кузатув кенгаши клуб спорт директори Макс Эберлнинг ушбу трансфер борасидаги режасини тўлиқ қўллаб-қувватламоқда. Шунга қарамай, келишув амалга ошиши учун «қарғалар» футболчи учун сўралаётган нархни бироз пасайтиришларига тўғри келади. 25 ёшли англиялик футболчининг ўзи эса Бундеслига грандига ўтишни истамоқда ва клуб билан келишувга яқин келган.
Маълумот учун, Transfermarkt портали Энтони Гордоннинг бозор қийматини 60 миллион еврога баҳолаган, бироқ «Ньюкасл» ўз етакчиси учун кўпроқ маблағ талаб қилмоқда. Футболчининг инглиз клуби билан амалдаги шартномаси 2030 йилга қадар мўлжалланган.
