«Манчестер Юнайтед» раҳбарияти кейинги мавсум олдидан жамоа таркибини жиддий тарзда кучайтиришни режалаштирмоқда. Бу ҳақда The Sun нашри хабар тарқатди.
Манбанинг берган маълумотига кўра, «қизил иблислар» сафига камида беш нафар янги футболчи келиб қўшилиши мумкин. Манкунианликлар уч нафар ярим ҳимоячи, шунингдек, бир нафар ҳужумчи ва ҳимоячи сотиб олишни мақсад қилган.
Айни дамда «Манчестер Юнайтед»нинг қизиқишлари доирасида қуйидаги футболчилар бор: Сандро Тонали, Адам Уортон, Алекс Скотт, Карлос Балеба ва Эллиот Андерсон.
Маълумот учун, АПЛ якунланишига икки тур қолганда «Манчестер Юнайтед» 65 очко билан турнир жадвалида учинчи ўринни эгаллаб турибди.













