«Реал» бош мураббийи Альваро Арбелоа ҳужумчи Килиан Мбаппе «Реал Овьедо»га қарши бўлажак ўйинда иштирок эта олиши ҳақидаги саволга жавоб берди.

«Кўрамиз, у бугунги машғулотни охиригача етказа олармикан. Кеча у машғулотларда қатнашди. Агар ҳаммаси жойида бўлса, у клубга бўлган садоқатини кўрсатиш учун албатта майдонга тушади ва ҳисобида тўртта сариқ карточка бўлишига қарамай, қолган учта ўйинда иштирок этишга ҳаракат қилади», — деди Арбелоа матбуот анжуманида.

Килиан Мбаппе мушакларидаги муаммо сабабли «Реал»нинг охирги бир неча ўйинларини ўтказиб юборган эди. «Реал» пайшанба, 14 май куни «Сантьяго Бернабеу»да «Реал Овьедо»ни қабул қилади.