«Реал» бош мураббийи Альваро Арбелоа матбуот анжуманида жамоа бошқарувига Жозе Моуриньо қайтиши мумкинлиги ҳақидаги хабарларга тўхталиб ўтди.

— Келажагингиз ҳақида ўйлаяпсизми? Жозе Моуриньо ҳақида гапиришмоқда... Унинг штабида қолармидингиз?

— Бу саволларни тушунаман, лекин фақат навбатдаги ўйин ҳақида ўйлаш борасидаги қароримни ҳурмат қилинг. Чемпионат тугаганидан кейин жавоб беришим мумкин. Ҳозир бор эътиборни «Реал Овьедо» билан ўйинга қаратиш керак.

— Келажагингиз ўзингизга аниқми?

— Шубҳаларни тушунаман. Сизнинг ўрнингизда бўлганимда, мен ҳам шундай саволлар берган бўлардим. Аммо мен ўзимни эмас, балки «Реал» учун нима яхшироқ эканини ўйлашим керак, деди Арбелоа.

«Реал» ва «Реал Овьедо» жамоалари пайшанба, 14 май куни ўзаро баҳс олиб боришади.