Германиянинг «Бавария» клуби дарвозабони Мануэль Нойер клуб билан янги шартнома бўйича келишувга эришди. Бу ҳақда журналист Флориан Плеттенберг Х ижтимоий тармоғида хабар берди.

«40 ёшли афсонавий футболчи шартномасини 2027 йилгача узайтирмоқда. Тўлиқ келишувга эришилди. Маош қисқартирилди — ҳозирда у солиқлардан ташқари йилига тахминан 20 миллион еврони ташкил этмоқда.

Имзо чекиш маросими, агар имконият бўлса, шанба куни «Кёльн»га қарши мавсумдаги сўнгги уй учрашувидан олдин ўтказилиши кутилмоқда. «Бавария» расмий эълонни тайёрламоқда», — деб ёзди Флориан Плеттенберг.

Мануэль Нойер 2011 йилдан буён «Бавария» сафида тўп суриб келмоқда. У клуб билан 13 карра Германия чемпиони ва икки карра Чемпионлар лигаси ғолибига айланган.