Миср футбол ассоциацияси бошқарув кенгаши аъзоси Мустафо Абу Заҳра терма жамоа юлдузи Муҳаммад Салоҳнинг бўлажак ўйинлардаги иштироки ҳақида маълумот берди.
Абу Заҳранинг таъкидлашича, 33 ёшли ҳужумчи Россия терма жамоасига қарши ўтказиладиган ўртоқлик учрашувида қатнашиши керак.
«Салоҳ катта эҳтимол билан Россия терма жамоасига қарши ўйинда майдонга тушади», — дея Мустафо Абу Заҳранинг сўзларини келтиради Sport24 нашри.
Миср ва Россия терма жамоалари ўртасидаги ўртоқлик учрашуви яқин кунларда — 28 май санасида бўлиб ўтади. Валерий Карпин шогирдлари учун ушбу баҳс сафарда кечади.
