Misr futbol assosiasiyasi boshqaruv kengashi a’zosi Mustafo Abu Zahra terma jamoa yulduzi Muhammad Salohning bo‘lajak o‘yinlardagi ishtiroki haqida ma’lumot berdi.
Abu Zahraning ta’kidlashicha, 33 yoshli hujumchi Rossiya terma jamoasiga qarshi o‘tkaziladigan o‘rtoqlik uchrashuvida qatnashishi kerak.
«Saloh katta ehtimol bilan Rossiya terma jamoasiga qarshi o‘yinda maydonga tushadi», — deya Mustafo Abu Zahraning so‘zlarini keltiradi Sport24 nashri.
Misr va Rossiya terma jamoalari o‘rtasidagi o‘rtoqlik uchrashuvi yaqin kunlarda — 28 may sanasida bo‘lib o‘tadi. Valeriy Karpin shogirdlari uchun ushbu bahs safarda kechadi.
