Футбол бўйича навбатдаги жаҳон чемпионати бошланишига бир ойдан кам вақт қолди. The Athletic нашрининг хабар беришича, мусобақанинг финал учрашувида танаффус одатдагидек 15 дақиқа эмас, балки анча узоқроқ давом этиши мумкин.
Нашр бунга мисол сифатида яқинда «Челси» ва «ПСЖ» жамоалари ўртасида бўлиб ўтган Клублар ўртасидаги жаҳон чемпионати финалини келтирган. Ўшанда жамоалар танаффусда 24 дақиқа қолиб кетишган эди.
Ушбу вазият ФИФА томонидан қандай қабул қилиниши қизиқ, чунки амалдаги футбол қоидаларига кўра, ўйин танаффуси 15 дақиқадан ошмаслиги лозим. Тахминларга кўра, финалдаги шоу-дастурлар ва тижорий мақсадлар сабабли вақт узайтирилиши мумкин.
Эслатиб ўтамиз, ЖЧ-2026 баҳслари учта давлат — АҚШ, Канада ва Мексика майдонларида бўлиб ўтади. Амалдаги жаҳон чемпиони Аргентина терма жамоаси ҳисобланади. Улар ўтган турнир финалида Франция билан 3:3 ҳисобида дуранг ўйнаб, пенальтилар сериясида ғалаба қозонишган эди.
