Futbol bo‘yicha navbatdagi jahon chempionati boshlanishiga bir oydan kam vaqt qoldi. The Athletic nashrining xabar berishicha, musobaqaning final uchrashuvida tanaffus odatdagidek 15 daqiqa emas, balki ancha uzoqroq davom etishi mumkin.
Nashr bunga misol sifatida yaqinda «Chelsi» va «PSJ» jamoalari o‘rtasida bo‘lib o‘tgan Klublar o‘rtasidagi jahon chempionati finalini keltirgan. O‘shanda jamoalar tanaffusda 24 daqiqa qolib ketishgan edi.
Ushbu vaziyat FIFA tomonidan qanday qabul qilinishi qiziq, chunki amaldagi futbol qoidalariga ko‘ra, o‘yin tanaffusi 15 daqiqadan oshmasligi lozim. Taxminlarga ko‘ra, finaldagi shou-dasturlar va tijoriy maqsadlar sababli vaqt uzaytirilishi mumkin.
Eslatib o‘tamiz, JCH-2026 bahslari uchta davlat — AQSH, Kanada va Meksika maydonlarida bo‘lib o‘tadi. Amaldagi jahon chempioni Argentina terma jamoasi hisoblanadi. Ular o‘tgan turnir finalida Fransiya bilan 3:3 hisobida durang o‘ynab, penaltilar seriyasida g‘alaba qozonishgan edi.
