«Лион» клуби собиқ ҳужумчиси ва жамоа тарихидаги энг яхши тўпурар Флери Ди Налло 83 ёшида вафот этди.

Франциялик афсонавий футболчи «Лион» сафида барча турнирларда 494 та учрашувда майдонга тушиб, 222 та гол уришга муваффақ бўлган. Ушбу натижа ҳозиргача клуб тарихидаги мутлақ рекорд ҳисобланади.

Жамоа таркибида Ди Налло уч бор Франция кубоги (1964, 1967, 1973) соҳибига айланган ва бир марта мамлакат Суперкубогида (1973) зафар қучган.

Фаолияти давомида у «Лион»дан ташқари «Ред Стар» ва «Монпелье» каби клублар шарафини ҳам ҳимоя қилган. Франция терма жамоаси сафида эса 10 та ўйинда иштирок этиб, ўз ҳисобига 8 та гол ёздириб қўйган.