Мадриднинг «Реал» клуби президенти Флорентино Перес ҳамда испаниялик таниқли журналист Мария Хосе Фуэнтеаламо ўртасидаги келишмовчилик спорт оламида кенг муҳокамаларга сабаб бўлмоқда. Аввалроқ Перес журналистнинг мақолаларини танқид қилиб, унинг футбол соҳасидаги билимларини шубҳа остига олган эди.

«Реал» раҳбарининг «у футболни тушунишига ишончим комил эмас» мазмунидаги гапларига Мария Хосе The Athletic орқали жавоб қайтарди.

«Ҳа, жаноб президент, мен шундайман. Аёлман. Менинг футболни қанчалик тушунишимнинг нима аҳамияти бор? Мен фақат ўйин ҳақида ёзмайман. Мен «Реал»нинг жамият учун аҳамияти ва спорт руҳи ҳақида ёзаман. Чунки мен онаман. Болалар нима ўйнаётганини, уларнинг кумирлари кимлигини ва идеаллари қандай шаклланишини яхши биламан», — деди Фуэнтеаламо.

Журналистнинг таъкидлашича, унинг иши шунчаки қуруқ статистикадан иборат эмас. Шунингдек, у Переснинг бундай оҳангдаги баёноти уни ҳайратда қолдирганини қўшимча қилди.