Малайзиянинг «Жоҳор» клуби ўз ички чемпионатида мағлубиятсиз серия бўйича жаҳон рекордини янгилашга яқин турибди. Жамоанинг маҳаллий биринчиликдаги мағлубиятсиз ўйинлари сони 108 тага етди.
«Жоҳор» сўнгги бор Малайзия чемпионатида бундан беш йил аввал — 2021 йилнинг апрель ойида имкониятни бой берган эди. Шу тариқа, клуб Кот-д'Ивуарнинг «Мимозас» жамоаси томонидан 1989–1994 йиллар оралиғида ўрнатилган жаҳон рекордини такрорлади.
Янги мутлақ рекорд ўрнатиш учун малайзияликлар яна бир неча ой кутишларига тўғри келади. Гап шундаки, Малайзияда жорий мавсум ўз ниҳоясига етди. «Жоҳор» мавсумнинг сўнгги турида «келажакдаги рекордчи» сифатида рақиби устидан 14:1 ҳисобида зафар қучиб, мухлисларини ҳайратда қолдирди.
Эндиликда жамоа янги мавсумнинг илк турида мағлуб бўлмаса, футбол тарихидаги энг узоқ давом этган мағлубиятсиз сериянинг ягона муаллифига айланади.
