Роберт Левандовски фаолиятини Португалия чемпионатида давом эттириши мумкин.

Sky Sport журналисти Флориан Плеттенбергнинг берган маълумотига кўра, «Порту» клуби «Барселона» ҳужумчисига аниқ қизиқиш билдирмоқда. Бироқ, ҳозирча ҳеч қандай келишувга эришилмаган.

Қайд этилишича, польшалик футболчида кўплаб таклифлар бор ва каталонияликлар билан амалдаги шартномани узайтириш эҳтимоли ҳам ҳали йўққа чиқарилмаган. Унинг ҳозирги келишуви шу мавсум якунида ўз ниҳоясига етади.

Ла Лиганинг жорий мавсумида 37 ёшли форвард 28 та ўйинда майдонга тушиб, 13 та гол урди ва 2 та голли узатмани амалга оширди.