Бразилия миллий терма жамоаси бош мураббийи Карло Анчелотти Бразилия футбол конфедерацияси (CBF) билан шартномаси 2030 йилгача узайтирилганига муносабат билдирди.
Италиялик мутахассис миллий терма жамоани 2025 йил май ойидан бери бошқариб келмоқда.
«Мен Бразилияга бир йил аввал келганман. Илк дақиқаларданоқ футбол бу мамлакат учун қанчалик муҳим эканини ҳис қилдим. Бир йил давомида биз Бразилия терма жамоасини жаҳон футболи чўққисига қайтариш учун ишладик.
Аммо биз CBF билан биргаликда бундан ҳам кўпроғини истаймиз. Кўпроқ ғалаба, кўпроқ вақт ва янада кўпроқ меҳнат. Биз ҳамкорлигимизни яна тўрт йилга узайтирганимизни эълон қилишдан жуда мамнунмиз. Биз 2030 йилги жаҳон чемпионатигача биргаликда ҳаракат қиламиз.
CBF’га ишонч учун миннатдорчилик билдираман. Бразилия, самимий қабул ва меҳрингиз учун раҳмат», — деди Анчелотти CBF расмий сайтига берган интервьюсида.
