«Пари Сен-Жермен» клуби Мадриднинг «Атлетико» ҳужумчиси Хулиан Альваресни сотиб олиш имкониятини жиддий кўриб чиқмоқда. Турли манбалар хабарига кўра, парижликлар форвард учун 150 миллион еврогача тўлашга тайёр.
Diario AS нашрининг маълумотига кўра, Франция гранди келишувга нафақат катта миқдордаги пул маблағини, балки ўз футболчиларидан кимнидир ҳам қўшиши мумкин — асосий номзодлар сифатида Ли Кан Ин ва Гонсалу Рамуш кўрилмоқда.
Хулиан Альваресга шунингдек, «Барселона» ва «Арсенал» клублари ҳам қизиқиш билдирмоқда. Transfermarkt портали 26 ёшли футболчининг нархини 90 миллион еврога баҳолаган. Ли Кан Ин ва Рамушнинг баҳоси эса мос равишда 28 ва 35 миллион еврони ташкил этади.
