«Барселона» марказий ҳимоячиси Андреас Кристенсен жамоадан кетишни истамаяпти. 30 ёшли футболчи «кўк-анорранглилар»нинг амалдаги шартномани узайтириш бўйича илк таклифини рад этган эди, бироқ ҳозирда янги музокаралар олиб борилмоқда — томонлар 2028 йилгача мўлжалланган келишувни муҳокама қилишмоқда.
Mundo Deportivo нашрининг маълумотларига кўра, бошқа клублар даниялик футболчига молиявий жиҳатдан анча манфаатлироқ шартлар таклиф қилишмоқда, аммо ўйинчининг устувор мақсади ўзгармаган — у қолишни афзал кўрмоқда.
Андреас Кристенсен жароҳатлар туфайли мавсумнинг катта қисмини ўтказиб юборди. Тажрибали ҳимоячи жорий мавсумда 17 та ўйинда майдонга тушиб, битта гол уришга муваффақ бўлди.
