Мадриднинг "Атлетико" клуби ҳужумчиси Хулиан Альварес тез орада яқин келажакдаги режаларини белгилаб олади.
Ҳозирда ҳеч нарса аниқ эмас — ўйинчи жамоада қолиши ҳам, кетиши ҳам мумкин. Инсайдер Фабрицио Романонинг хабарига кўра, аргентиналик футболчи яқин ҳафталар ичида якуний қарорни қабул қилади.
Ҳужумчи учун асосий даъвогарлар сифатида "Барселона" ва "ПСЖ" қолмоқда, шунингдек, Англия Премьер-лигаси вакиллари ҳам қизиқиш билдиришяпти. "Барса" "матрасчилар"нинг 26 ёшли юлдузини ўз сафига қўшиб олишни орзу қилади, бироқ бу келишув молиявий жиҳатдан қанчалик қийин бўлишини яхши тушуниб турибди. Парижликларда эса бу борада муаммо туғилиши эҳтимоли кам.
Transfermarkt портали Альвареснинг трансфер қийматини 90 миллион еврога баҳолаган.
