Америкалик ярим ҳимоячи Кристиан Пулишич Германия чемпионатидаги фаолиятини, хусусан, Дортмунднинг «Боруссия» жамоаси шарафини ҳимоя қилган даврларини ёдга олди. Унинг сўзларига кўра, ўша давр фаолиятидаги энг мураккаби бўлиб чиққан.
«Мен Дортмундда профессионал футболчига айландим ва бошида бу мен учун жуда оғир кечган. У ердаги биринчи йил бутун фаолиятим давомидаги энг қийини бўлди. Ҳатто жамоадошларим атайлаб менинг ишларим юришиб кетишини хоҳлашмаяпти, деб ўйлаганман», — дея Пулишичнинг сўзларини келтиради pianetamilan.it нашри.
Эслатиб ўтамиз, ҳозирда Кристиан Пулишич Италия Серия А чемпионатида «Милан» шарафини ҳимоя қилмоқда.
