Америкалик ярим ҳимоячи Кристиан Пулишич мактаб йиллари Европа футболидаги воқеалардан бутунлай узилган ҳолда ўтганини ёдга олди. Унинг сўзларига кўра, Чемпионлар лигаси ўйинларини муҳокама қилиш учун мактабда ҳеч ким бўлмаган.
«Мактабда ҳеч ким Европа футболи ҳақида гапирмасди. Улар нари борса АҚШда Жаҳон чемпионати ўтказилишини билишар ва Америка терма жамоасига мухлислик қилишга тайёр эканликларини билдиришарди. Аммо мактаб менга қимматли билимлар берди. Мен муомала маданиятини ва сабр-тоқатли бўлишни ўргандим», — дея Пулишичнинг сўзларини келтиради pianetamilan.it нашри.
Эслатиб ўтамиз, ҳозирда Кристиан Пулишич Италия Серия А чемпионатида «Милан» шарафини ҳимоя қилмоқда.
