«Бавария»нинг бир йўла уч нафар футболчиси жамоа сафидаги сўнгги уй учрашувига тайёргарлик кўрмоқда. Гап чап қанот ҳимоячиси Рафаэль Геррейру, ярим ҳимоячи Леон Горецка ва ҳужумчи Николас Жексон ҳақида кетмоқда.
Bild нашрининг хабарига кўра, Мюнхен клуби Бундеслиганинг сўнгги тури доирасидаги «Кёльн»га қарши баҳс олдидан футболчилар билан чиройли тарзда хайрлашув маросимини ўтказади. «Альянц Арена»га ташриф буюрадиган 75 минг томошабин қаршисида уларнинг ҳар бирига гуллар ва махсус коллажлар топширилади.
«Бавария» ва «Кёльн» ўртасидаги учрашув шанба куни, Тошкент вақти билан соат 18:30 да бошланади. Венсан Компани жамоаси чемпионликни аллақачон нақд қилиб қўйган.
