«Астон Вилла» бош мураббийи Унаи Эмери ярим ҳимоячи Харви Эллиоттнинг «Ливерпуль»дан ижарага олиниши билан боғлиқ вазият ҳақида гапириб, футболчи учун мавсум амалда бой берилганини тан олди.

23 ёшли хавбек ўтган ёзда мунтазам ўйин амалиётига эга бўлиш учун «Вилла»га ўтган эди, бироқ бутун мавсум давомида барча турнирларда бор-йўғи 9 та ўйинда иштирок этди. АПЛда у тўрт бор майдонга тушиб, умумий ҳисобда 109 дақиқа ҳаракат қилди. «The Mirror» нашрининг хабар беришича, ўнинчи ўйиндан сўнг Бирмингем клуби футболчини 40 миллион еврога сотиб олишга мажбур бўларди.

«Бу ушбу жараёнда иштирок этаётганларнинг барчаси учун уятли вазият. Мен ҳар куни Харви Эллиоттдан узр сўрашим кераклиги ҳақида ўйлайман», — деди Эмери.

«Ливерпуль» мураббийи Арне Слотнинг сўзларига кўра, ижара футболчи ва ҳар икки клуб кутган натижани бермади: «У кўпроқ ўйин вақтига эга бўлиш учун кетганди, лекин, афсуски, бу амалга ошмади. Бундай иқтидорли футболчи учун бу жуда ёқимсиз ҳолат».

Ярим ҳимоячининг «Ливерпуль» билан шартномаси 2027 йил ёзигача мўлжалланган, бироқ яқин ойларда клуб Эллиоттнинг тўлиқ трансфери вариантини кўриб чиқиши эҳтимолдан холи эмас.