«Ньюкасл» бош мураббийи Эдди Хау жароҳатидан соғайиб қайтган жамоа вингери Энтони Гордонни нима сабабдан таркибга киритмаётгани ҳақида гапирди.

«Табиийки, биз келаси йилга назар ташлаяпмиз. Энтони майдонга эндигина қайтди, у йўқлигида эса биз яхши ўйин кўрсатдик. Ҳа, менинг танловим қисман келажакка бўлган қарашларимиз билан боғлиқ», — дея Хаунинг сўзларини келтиради журналист Крейг Хоуп.

Ушбу мавсумда Гордон барча турнирларда 46 та ўйинда иштирок этиб, 17 та гол урди ва бешта голли узатмани амалга оширди. Аввалроқ 25 ёшли футболчининг хизматларига «Барселона», «Бавария», «Арсенал» ва бошқа клублар қизиқиш билдираётгани ҳақида хабар берилган эди.