Европа футбол ассоциациялари иттифоқи (УЕФА) 19 ёшгача бўлган футболчилар ўртасидаги Европа чемпионати-2027 саралаши доирасида Беларусь билан ўйнашдан бош тортгани учун Латвия терма жамоасига техник мағлубият (0:3) ёзди.

Ушбу учрашув 15 май куни бўлиб ўтиши керак эди.

«Ўйин Латвия футбол федерациясининг қарорига кўра ўтказилмаган деб ҳисоблансин (шу сабабли жамоага 0:3 ҳисобидаги мағлубият ёзилади). Чунки учрашувнинг бекор қилиниши учун айнан ушбу ташкилот жавобгардир», — дейилади УЕФА чиқарган расмий баёнотда.

Маълумот учун, B3 гуруҳида 1-турдан сўнг Беларусь ва Словакия терма жамоалари 3 тадан очко билан мос равишда биринчи ва иккинчи ўринларни эгаллаб турибди. Сан-Марино ва Латвия ҳисобида эса ҳозирча очко мавжуд эмас.