«Ливерпуль» сардори Виржил ван Дейк яқинлашиб келаётган трансфер ойнасида «Галатасарой»га кўчиб ўтиши мумкин. Тарқалган миш-мишларга кўра, Туркия клуби «қизиллар»нинг марказий ҳимоячисини трансфер бозоридаги асосий мақсадларидан бири сифатида белгилаб олган.
Бундан ташқари, журналист Арда Озкуртнинг хабар беришича, нидерландиялик юлдуз агар «Ливерпуль» шу ёзда уни қўйиб юборишга рози бўлса, таклифни қабул қилишга тайёрлигини аллақачон «Галатасарой» раҳбариятига маълум қилган. Ван Дейкнинг мерсисайдликлар билан амалдаги шартномаси келаси йилнинг ўрталарида ниҳоясига етади. Футболчининг трансфер баҳоси Transfermarkt портали томонидан 18 миллион еврога баҳоланган. Шу йилнинг июль ойида Виржил 35 ёшни қарши олади.
