«Реал»нинг собиқ устози Хаби Алонсо Лондоннинг «Челси» клуби билан тўғридан-тўғри музокаралар ўтказди. Бу ҳақдаги маълумотни нуфузли инсайдер Фабрицио Романо эълон қилди.
Манбанинг хабар беришича, «кўклар» раҳбарияти яқин орада узил-кесил қарорга келади. Клуб Жаҳон чемпионати стартига қадар янги бош мураббийни тайинлашни режалаштирмоқда, шу сабабли музокаралар тезлаштирилган тартибда олиб борилмоқда. Маълумотларга кўра, «Челси» Андони Ираола, Оливер Гласнер ва Марку Силва билан ҳам суҳбатлашган.
Англия Премьер-лигасининг 36 туридан сўнг «Челси» 49 очко жамғарган ҳолда турнир жадвалида тўққизинчи ўринни эгаллаб турибди.
