«Ливерпуль» дарвозабони Алиссон Бекер «Ювентус»нинг трансфер нишони бўлиб қолмоқда. Бразилиялик посбон «кекса синьора» билан шахсий шартнома шартларини келишиб олган — келишув уч йилга мўлжалланган.
Айни пайтдаги асосий муаммо «қизиллар»нинг талаби бўлиб турибди: Англия гранди ўз дарвозабонининг сотувидан тахминан 10-15 миллион евро ишлаб олмоқчи. «Ювентус» эса 33 ёшли футболчини рамзийроқ суммага — тахминан 2-3 миллион еврога сотиб олишни истамоқда, деб хабар беради журналист Николо Скира. Туринликлар келишувга Микеле ди Грегорио ёки Маттиа Перинни қўшиш вариантларини кўриб чиқишлари мумкин.
Transfermarkt портали Алиссоннинг трансфер баҳосини 17 миллион еврога баҳолаган, унинг «Ливерпуль» билан шартномаси эса бир йилдан сўнг якунига етади.
