«Манчестер Сити» ярим ҳимоячиси Бернарду Силва 2004 йилдан бери илк бор Англия чемпионатида ғолиб чиқиш учун яхши имкониятга эга бўлиб турган «Арсенал» ҳақида ўз фикрларини билдирди. Мавсум якунини белгилаб берувчи сўнгги икки тур қолаётган бир пайтда «Манчестер Сити» «канонирлар»дан икки очкога ортда қолмоқда.

«Арсенал» ривожланмоқда. Ушбу таркиб биргаликда аллақачон қанча… беш йилдан бери ўйнаяпти. Шундай экан, уларнинг улғайгани ва совринлар учун кураша бошлагани табиий ҳол. Йўқ, улар менга ёқмайди. Мен «Сити»даги бутун фаолиятим давомида бизнинг энг асосий рақобатчимиз «Ливерпуль» бўлган деб ҳисоблайман. Шунингдек, — гарчи бу жуда субъектив фикр эканлигини тушунсам-да — агар ўтиш мавсуми ва йўл қўйилган хатолар бўлмаганида, биз бу чемпионатда ғолиб чиққан бўлардик. Бу осон бўларди демоқчи эмасман, лекин барибир ютардик», — деди Силва The Athletic нашрига.

Шанба, 16 май куни «Манчестер Сити» Англия Кубоги финалида «Челси»га қарши майдонга тушади.