«Манчестер Юнайтед» бош мураббийи Майкл Кэррик ўтган турда кичик жароҳат туфайли «Сандерленд»га қарши ўйинни ўтказиб юборган ярим ҳимоячи Каземиронинг ҳолати ҳақида фикр билдирди.
Каземиро шу ҳафтада жамоа билан умумий машғулотларга қайтди ва «Ноттингем Форест»га қарши бўладиган уй учрашувида майдонга тушишга тайёр. Бу баҳс бразилиялик ярим ҳимоячи учун «Манчестер Юнайтед» таркибидаги тўрт йиллик фаолиятидан сўнг мухлислар билан хайрлашиш имконияти бўлади. Футболчи мавсум якунида жамоани тарк этади.
«Ҳа, Каземиро ўйинга тайёр бўлади. Шуни айтишим мумкинки, у билан танишганимдан бери у ажойиб ҳаракат қилди ва бизга кўп нарса берди.
Менимча, вазиятнинг ойдинлашгани унга бор эътиборини қаратишга ва мавсум охирида ҳаммаси якунланишини билган ҳолда, бор кучи билан ҳаракат қилишига ёрдам бермоқда.
Аввал ҳам айтганимдек, унинг бундай ёндашувига таҳсин айтиш керак. Биз каби унда ҳам кўтарилиш ва пасайишлар бўлди, бироқ мухлислар билан бўлган бундай алоқани ҳисобга олган ҳолда, фаолиятини шундай ишончли тарзда якунлаши — бу ажойиб», — деди Кэррик ўйин олдидан ташкил этилган матбуот анжуманида.
