«Бавария» бош директори Ян-Кристиан Дризен клубнинг трансфер режалари ҳақида гапириб берди. Мюнхен грандининг бир қатор номдор футболчиларга, жумладан, «Ньюкасл»нинг инглиз футболчиси Энтони Гордонга қизиқиш билдираётгани айтилмоқда.

«Кўрамиз. Биз Макс Эберль ва Кристоф Фройнд билан вазиятни муҳокама қиламиз ва ёзда қандай қадамларни амалга ошириш кераклигини ҳал қиламиз. Албатта, биз жамоани кучайтиришни давом эттиришни истаймиз. Вазифамиз — ҳар бир трансфер орқали таркибни янада кучлироқ қилиш. Бу доим ҳам ўхшайвермайди, лекин бу бизнеснинг бир қисмидир. Умид қиламанки, кейинги мавсум ҳам ёрқин ўтади», — дея Дризеннинг сўзларини келтиради Bayern & Germany.

Шанба куни «Бавария» Бундеслиганинг сўнгги тури доирасидаги учрашувда «Кёльн» жамоасини мағлуб этди (5:1). 23 май куни эса «Штутгарт»га қарши Германия Кубогининг финал учрашуви бўлиб ўтади.