«ПСЖ» устози Луис Энрикега франциялик дарвозабон Люка Шевальенинг жамоадаги келажаги борасида савол берилди.
Матбуотда посбоннинг етарлича ўйин амалиётига эга бўлмаётгани сабабли клубни тарк этиши мумкинлиги ҳақида хабарлар тарқалган эди.
«Шевальенинг «ПСЖ»да келажаги борми? Ҳар куни бизни янги синов кутиб туради. Жамоадан муҳимроқ ҳеч нарса йўқ. Индивидуал ҳолат ҳеч қачон умумий манфаатдан устун бўла олмайди. Биз бор эътиборимизни шунга қаратганмиз», — дея испаниялик мутахассиснинг сўзларини келтиради Lequipe нашри.
Аввалроқ, Лондоннинг «Тоттенхэм» клуби Шевальега қизиқиш билдираётгани ҳақида хабар берилган эди. 2025/2026 йилги мавсумда франциялик дарвозабон 26 та учрашувда майдонга тушиб, ўз дарвозасидан 28 та гол ўтказиб юборди. Қуруқ ўйинлар сони эса 10 тани ташкил этди.
