«Ливерпуль»нинг собиқ ҳимоячиси Жейми Каррагер Хаби Алонсонинг «Челси» бош мураббийи этиб тайинлангани ҳақида ўз фикрини билдирди.

«Хаби Алонсони «Челси»даги ишни қабул қилгани учун айблай олмайсиз. Келинг, очиқ гаплашайлик — у «Ливерпуль»дан таклиф бўлишини етарлича узоқ кутди. Унинг бу клубни қанчалик севишини ҳамма билади. У уларга вақт берди, лекин «Ливерпуль» қарор қабул қилмади. Улар Арне Слот билан қолишни маъқул кўришди.

Хаби — кучга тўлган ёш ва юқори даражадаги мураббий. У абадий кутиб ўтира олмайди. «Челси» эса катта лойиҳа ва жиддий амбициялар билан чиқди. Бу ҳурматга лойиқ. Мен ҳам унинг ўрнида бўлганимда, эҳтимол, шундай йўл тутган бўлардим», — деди Каррагер «Sky Sports»га берган интервьюсида.

Эслатиб ўтамиз, Хаби Алонсо «Челси» билан 2030 йил ёзигача мўлжалланган шартнома имзолади. Бу ҳақда бугун, 17 май куни расман эълон қилинди.