«Liverpul»ning sobiq himoyachisi Jeymi Karrager Xabi Alonsoning «Chelsi» bosh murabbiyi etib tayinlangani haqida o‘z fikrini bildirdi.

«Xabi Alonsoni «Chelsi»dagi ishni qabul qilgani uchun ayblay olmaysiz. Keling, ochiq gaplashaylik — u «Liverpul»dan taklif bo‘lishini yetarlicha uzoq kutdi. Uning bu klubni qanchalik sevishini hamma biladi. U ularga vaqt berdi, lekin «Liverpul» qaror qabul qilmadi. Ular Arne Slot bilan qolishni ma’qul ko‘rishdi.

Xabi — kuchga to‘lgan yosh va yuqori darajadagi murabbiy. U abadiy kutib o‘tira olmaydi. «Chelsi» esa katta loyiha va jiddiy ambisiyalar bilan chiqdi. Bu hurmatga loyiq. Men ham uning o‘rnida bo‘lganimda, ehtimol, shunday yo‘l tutgan bo‘lardim», — dedi Karrager «Sky Sports»ga bergan intervyusida.

Eslatib o‘tamiz, Xabi Alonso «Chelsi» bilan 2030 yil yozigacha mo‘ljallangan shartnoma imzoladi. Bu haqda bugun, 17 may kuni rasman e’lon qilindi.