«Ливерпуль» клубининг собиқ ярим ҳимоячиси Жоржиньо Вейналдум Англия Премьер-лигасига қайтиши мумкин. Football Insider нашрининг хабарига кўра, ҳозирда «Ал-Иттифоқ» сафида тўп сураётган 35 ёшли нидерландиялик футболчини ўз сафига қўшиб олишга кейинги мавсумда АПЛда дебют қиладиган (ёки АПЛга йўлланма олган) «Ковентри» клуби қизиқиш билдирмоқда. Англия клуби ярим ҳимоячига бир йиллик шартнома таклиф қилишга тайёр.
Жоржиньо Вейналдум 2023 йилда «ПСЖ»дан «Ал-Иттифоқ»га 8 миллион евро эвазига ўтган эди. Унинг шартномаси 2026 йилнинг 30 июнига қадар мўлжалланган. Жорий мавсумда ярим ҳимоячи Саудия клуби сафинда барча турнирларда 33 та ўйин ўтказиб, 17 та гол урди ва 6 та голли узатмани амалга оширди. Transfermarkt портали Вейналдумнинг трансфер қийматини 2,5 миллион еврога баҳоламоқда.
