«Ноттингем Форест» марказий ярим ҳимоячиси Эллиот Андерсон «Манчестер Юнайтед»га ўтиши мумкин. GiveMeSport нашри берган маълумотларга кўра, «қизил иблислар»нинг 23 ёшли хавбекка бўлган қизиқиши сезиларли даражада кучайган. Клуб яқин вақт ичида футболчининг трансфери бўйича «ўрмончилар» билан расмий музокараларни бошлашни режалаштирмоқда.

Шу билан бирга, «Ноттингем Форест» Андерсонни жамоада сақлаб қолиш учун бор кучини ишга солишга тайёр. Хабар қилинишича, клуб раҳбарияти футболчи учун жуда катта маблағ талаб қилади.

Жорий мавсумда Андерсон барча турнирларда 48 та ўйин ўтказиб, рақиблар дарвозасини 4 бор ишғол этди ва 3 та голли узатма муаллифига айланди.