«ПСЖ» қанот ҳужумчиси Брэдли Баркола ёзги трансфер ойнасида клубини ўзгартириши мумкин. Журналист Алексис Бернарнинг берган маълумотига кўра, агар жозибали таклиф тушса, парижликлар 23 ёшли франциялик футболчини сотишга тайёр.

Хабар қилинишича, Барколани сотиб олишни мақсад қилган «Ливерпуль» ушбу трансфер учун катта маблағ ажратишга тайёр. Футболчининг ўзи ҳам бошқа жамоага ўтишга қарши эмас.

Жорий мавсумда Барколя барча турнирларни инобатга олган ҳолда 47 та учрашувда майдонга тушиб, рақиблар дарвозасини 12 бор ишғол қилди ва 7 та голли узатма муаллифига айланди. Transfermarkt портали бераётган маълумотларга кўра, Барколянинг трансфер бозоридаги нархи 70 миллион еврони ташкил этади.