«PSJ» qanot hujumchisi Bredli Barkola yozgi transfer oynasida klubini o‘zgartirishi mumkin. Jurnalist Aleksis Bernarning bergan ma’lumotiga ko‘ra, agar jozibali taklif tushsa, parijliklar 23 yoshli fransiyalik futbolchini sotishga tayyor.

Xabar qilinishicha, Barkolani sotib olishni maqsad qilgan «Liverpul» ushbu transfer uchun katta mablag‘ ajratishga tayyor. Futbolchining o‘zi ham boshqa jamoaga o‘tishga qarshi emas.

Joriy mavsumda Barkolya barcha turnirlarni inobatga olgan holda 47 ta uchrashuvda maydonga tushib, raqiblar darvozasini 12 bor ishg‘ol qildi va 7 ta golli uzatma muallifiga aylandi. Transfermarkt portali berayotgan ma’lumotlarga ko‘ra, Barkolyaning transfer bozoridagi narxi 70 million yevroni tashkil etadi.