«Барселона» бош мураббийи Ханс-Дитер Флик ижара муддати тугагач, клуб ҳимоячи Жоау Канселуни олиб қолиши мумкинми-йўқми, деган саволга жавоб берди. Португалиялик футболчи мавсум якунига қадар «Ал-Ҳилол»дан ижарага олинган. Футболчининг ўзи ҳам «кўк-анорранглилар» сафига доимий асосда мамнуният билан ўтган бўларди, бироқ Саудия клуби билан келишиб олиш осон бўлмайди.
«Канселунинг сўнгги ўйинларда қанчалик фойда келтираётганини ҳамма кўриб турибди, лекин вазият ҳамон мураккаб бўлиб қолмоқда. Фақат кутиш керак. Кўрамиз, нима содир бўларкан. Жоау — ажойиб футболчи, у клуб учун борини бермоқда ва мен унинг ҳаракатларини жуда юқори баҳолайман», — деди Флик матбуот анжуманида.
Канселунинг «Ал-Ҳилол» билан шартномаси 2027 йилнинг ёзигача мўлжалланган. Якшанба куни латераль Ла Лига доирасида «Бетис»га қарши кечган баҳсда (3:1) гол уришга муваффақ бўлди.
