Миланнинг «Интер» клуби ёзги трансфер ойнасида таркибни кучайтиришни режалаштирмоқда.
Жамоа Кристиан Киву қўл остидаги дастлабки мавсумни ички аренада жуда муваффақиятли ўтказди — А Серия ва Италия Кубогида зафар қучди. Муваффақиятларга қарамай, клуб янги харидларни амалга оширишни кўзламоқда: журналист Маттео Бардзагининг хабар беришича, «нерадзуррилар»нинг бошланғич трансфер бюджети тахминан 50 миллион еврони ташкил этади.
Агар амалдаги таркибдан кимдир сотиб юборилса, бу сумма янада кўпайиши мумкин. «Интер» сўнгги тур олдидан 86 очко жамғарган ҳолда Италия чемпионати турнир жадвалида пешқадамлик қилмоқда ва ўзидан кейинги ўринда бораётган «Наполи»ни 13 очкога ортда қолдирмоқда.
