Ўзбекистон терма жамоаси ҳимоячиси Абдуқодир Ҳусанов SofaScoreпортали томонидан Англия Кубогининг рамзий терма жамоасига киритилди. Мавсум давомида барқарор ўйин намойиш этган Ҳусановнинг ҳаракатлари портал томонидан 7,32 баллга баҳоланган.

Шу билан бирга, рамзий терма жамоанинг асосий қисмини “Манчестер Сити” ва “Челси” клублари футболчилари ташкил этди. Мавсумнинг энг юқори балини эса “Челси” ҳимоячиси Тосин Адарабиоё (7,74) ҳамда “Лидс” дарвозабони Лукас Перри (7,73) қўлга киритди.

Дарвозабон: Лукас Перри (“Лидс”)

Ҳимоячилар: Марк Геҳи (“Манчестер Сити”), Тосин Адарабиоё (“Челси”), Абдуқодир Ҳусанов (“Манчестер Сити”)

Ярим ҳимоячилар: Андрей Сантос (“Челси”), Нико Гонсалес (“Манчестер Сити”), Жереми Доку (“Манчестер Сити”), Энсо Фернандеш (“Челси”), Педро Нету (“Челси”), Антуан Семенё (“Манчестер Сити”)

Ҳужумчи: Эрлинг Ҳоланд (“Манчестер Сити”)

​Маълумот учун, Англия Кубогининг якунланган мавсумида “Манчестер Сити” чемпионликни қўлга киритди. Пеп Гвардиола шогирдлари ҳал қилувчи финал баҳсида “Челси”ни 1:0 ҳисобида мағлуб этди. Учрашувдаги ягона голга 72-дақиқада Антуан Семеньо муаллифлик қилди.