Маурицио Саррининг «Лацио»даги келажаги сўроқ остида экани ҳақида аввалроқ хабар берган эдик — мутахассис клубни тарк этиши мумкин, унга бошқа жамоалар, жумладан, «Наполи» томонидан қизиқиш бор.
Якшанба куни Сарри жамоадан кетиши мумкинлигини тасдиқлади.
«Бу йилги вазият менга ёқмади, мендан ҳеч ким ҳеч нарса ҳақида сўрамади. Мавсумни якунлаймиз ва гаплашиб олиш учун ўтирамиз, кўрамиз, улар менга нима дейишаркин», — дея Саррининг сўзларидан иқтибос келтиради derbyderbyderby.it.
Эслатиб ўтамиз, якшанба куни «Лацио» принципиал баҳсда «Рома»дан иккита тўп ўтказиб юбориб, мағлубиятга учради. Ҳозирда «бургутлар» Италия А Серияси турнир жадвалида саккизинчи ўринда боришмоқда.
