«Барселона» ва Испания терма жамоаси яримҳимоячиси Фермин Лопес Ла Лига доирасидаги «Бетис»га қарши учрашувда жиддий жароҳат олди.
Тиббий кўрикларга кўра, футболчининг ўнг оёқ бешинчи кафт усти суяги сингани аниқланган. Тез орада Лопес жарроҳлик амалиётини ўтайди.
Дастлабки тахминларга кўра, 23 ёшли ярим ҳимоячи камида икки ойга яқин муддатни майдондан ташқарида ўтказишга мажбур бўлади. Бу эса унинг шу ёзда бўлиб ўтадиган Жаҳон чемпионатида иштирок эта олмаслигини англатади.













