Антонио Конте икки мавсумлик ҳамкорликдан сўнг «Наполи» клубини тарк этади. Эслатиб ўтамиз, ушбу мавсумларнинг биринчисида у жамоа билан Италия чемпионатида зафар қучган эди.
«Наполи» президенти Аурелио Де Лаурентис Контенинг ўрнини эгаллаши мумкин бўлган уч нафар номзодни аллақачон танлаб улгурди.
Биринчи навбатда, бу Маурицио Сарри — унинг номзоди ушбу лавозимга кўрилаётгани ҳақида аввалроқ ҳам хабар берган эдик. Кейинги номзод — Винченцо Итальяно бўлиб, италиялик шарҳловчиларнинг фикрига кўра, у аллақачон топ-клубда ишлашга лойиқ даражага етган. Ва ниҳоят, жорий мавсумда Фабио Гроссонинг мураббийлик обрўси сезиларли даражада ошди — у ҳам «Наполи»нинг бўлажак устози сифатида жиддий кўриб чиқилмоқда, дея хабар тарқатмоқда calcionapoli1926.it портали.
